Mëlçi shqiptare

Rreth Mëlçisë shqiptare

Mëlçia shqiptare, në turqisht Arnavut ciğeri ("mëlçia shqiptare"), është një pjatë me kubikë mëlçie qengji ose viçi të skuqur në vaj dhe të erëzuar me spec djegës, që tradicionalisht shërbehet me qepë dhe majdanoz. Sot është pjesë e kuzhinës turke, sidomos e asaj të Stambollit.

Emri e lidh pjatën me shqiptarët, sepse besohet se receta u soll në Stamboll nga shqiptarët që punonin si kuzhinierë në Perandorinë Osmane. Origjina e saj shkon në shekullin XV, pas luftërave në Ballkan dhe emigrimit të shqiptarëve drejt Stambollit, ku disa prej tyre u bënë shitës shëtitës mëlçie. Në fund të shekullit XVII udhëtari osman Evliya Çelebi shkruante se në Stamboll kishte kasapë shqiptarë nga Ohri, Korça dhe Hurupishta, që shisnin mëlçi, zemër dhe veshka qengji. Kështu pjata u bë pjesë e kuzhinës osmane dhe më vonë e asaj turke.

Lexoni edhe për kukurecin dhe fërgesën, që në Tiranë bëhet edhe me mëlçi.

Burimet: Wikipedia (anglisht), Wikipedia (shqip). Fotot: Wikimedia Commons (autorët dhe licencat te çdo foto).