Tava shkodrane e krapit

Rreth Tavës shkodrane të krapit

Tava e krapit është një gatim tradicional i Shkodrës me krap të freskët. Përbërësit janë qepë, hudhra, domate të pjekura ose salcë domatesh, që në Shkodër quhet nerden, uthull rrushi, pistil dhe kumbulla të thata, gjethe dafine, vaj kikiriku, piper, kripë, majdanoz dhe pak sheqer. Krapi pastrohet nga luspat dhe të brendshmet, dhe sidomos nga një kockë trekëndëshe në grykën e kokës, që shkodranët e quajnë pethi: ajo duhet hequr patjetër, sepse i jep tavës shije të hidhur.

Si gatuhet

Peshku pritet në feta 2–3 cm të trasha dhe skuqet lehtë nga të dyja anët, që mishi të mblidhet. Në vajin e skuqjes përgatitet salca, që shkodranët e quajnë iç: qepët e prera hollë kaurdisen derisa marrin ngjyrë të kuqërremtë, shtohen hudhrat, pastaj domatet ose salca, uthulla, pistili, kumbullat e thata, piperi, kripa dhe dafina, dhe gjithçka zihet në zjarr të ngadaltë. Salca duhet të jetë e trashë, me një shije pak xhelatinoze. Fetat e krapit vendosen në tavë, mbulohen me salcën dhe pak ujë, dhe piqen në furrë në 140–150 °C.

Lexoni edhe për Shkodrën dhe Liqenin e Shkodrës.

Burimet: Wikipedia (anglisht), Wikipedia (shqip). Fotot: Wikimedia Commons (autorët dhe licencat te çdo foto).