Dasma shqiptare

Rreth dasmës shqiptare

Dikur dasma shqiptare zgjaste zakonisht një javë. Nisej me përgatitjen e kulaçit të dasmës; dasmorët e dhëndrit festonin të premten dhe të shtunën, e shtuna ishte nata e dasmës, e diela dita e dasmës dhe e marrjes së nuses me krushq, ndërsa e hëna "dita e grave". Sot zakonisht mbahet vetëm dita e dasmës, me marrjen e nuses dhe festën e madhe në mbrëmje.

Dasmat mbaheshin në shtëpi e në oborre dhe gratë gatuanin vetë; sot mbahen kryesisht në lokale e restorante. Veshjet e nusërisë ishin kryesisht punë dore, të punuara nga vajzat, nënat ose gra të tjera, dhe çdo ditë të dasmës nusja vishej ndryshe. Lexoni edhe për veshjet popullore.

Marrja e nuses

Marrja e nuses ishte një nga pjesët më të rëndësishme. Dikur nusja merrej me karroca e kuaj, më vonë me vetura: vargu i krushqve nisej nga shtëpia e dhëndrit për te shtëpia e nuses, ku dy familjet takoheshin e uronin njëra-tjetrën. Marrja e nuses shoqërohet zakonisht me këngë e valle.

Burimet: Wikipedia (shqip). Fotot: Wikimedia Commons (autorët dhe licencat te çdo foto).